Пејачот и фронтмен на Рибља чорба, Бора Ѓорѓевиќ, неделава е на мини-турнеја низ Македонија.
Вечерва ќе настапи во клубот Наполеон во Охрид, а утре ќе ги забавува обожавателите во дискотеката Париз во валандовското село Миравци. Настапите ќе ги заврши в сабота во струмичкото село Муртино. Покрај најголемите хитови, пејачот ќе ги промовира и песните од новото цеде на групата, Минут са њом.
Ова е само дел од предвидените летни настапи на популарниот српски рокер. Во текот на јули и на август се најавуваат уште неколку негови соло-концерти во другите градови од Македонија, како и настапи со Рибља чорба, меѓу кои е и тој што ќе се случи во летната дискотека Хард рок во Скопје на 16 јули.
