Почетокот на ова лето групата Нокаут го одбележува со својата нова песна.
Со пуштање во етер по македонските радија на синглот Африка, Никола Перевски и Владимир Крстевски направија чекор поблиску до издавање на нивниот најнов албум, кој се очекува да биде пуштен во продажба оваа есен.
Создадена во Креативниот Центар на Нокаут, миксана во студиото на Дарко Димитров, со музика и аранжман на Никола Перевски, а текст на Франц и Пере, Африка претставува неповторливо музичко патување низ жешкиот и мистериозен континент, кое наскоро ќе добие и свој видео запис.
До тогаш, Нокаут ќе продолжат со живите свирки низ Македонија и со настапите на меѓународни фестивали.
