По успешните настапи на Оф-фест и во Фрајбург, Германија, составот Љубојна продолжува со концертите и тоа со настапи во Куманово, вечерва на 1. јули, и во Битола два дена подоцна.
Во Куманово тие ќе настапат на отворената сцена Батко Ѓоргија, во рамките на Кумановското лето, а во Битола ќе настапат на Бит-фест, Битолското културно лето. Љубојна го заврши мастерингот на новиот албум Песна за мојата песна, кој е целосно е посветен на делото на Петре М. Андреевски.
Изданието, кое треба да се појави наскоро, ќе има сосема поинаков звук од претходните албуми на бендот. Насловната страница и дизјанот на обвивката се изработени од сликарот Сергеј Андреевски, син на големиот писател.
